Poèmes & Poésie – AEPM, illustration florale

Ce sonet fut faict au nom de Madamoiselle de Traves de Mellin de Saint-Gelais

Ce sonet fut faict au nom de Madamoiselle de Traves

Helene de Clarmont qui depuis a esté Madame de Grammont,
pour responce à un aultre sonet d'un Italien qui avoit esté
serviteur de feu sa mere Madame de Traves Helene de Boissy


Si l'amitié chaste, honorable et saincte
Que vous avez long temps porté à celle
Dont je nasquy n'a nulle aultre estincelle
Que de mon feu, elle est morte et extainte.

Car quelle forme en moy peult estre empreincte
De sa beaulté et louange immortelle,
Veu que je suis (si on regarde à elle)
Au pres du vif une figure paincte ?

Servez la donc, honorant sa memoire,
Et moy, voyant vostre amour et sa gloire,
Cognoistray mieulx mon imperfaiction ;

Ou s'il est vray qu'en rien je luy ressemble,
C'est seullement de ce qu'en moy s'assemble
Toute envers vous son obligation.

Forme : Poème

En attente de lecture.

Cet espace peut être le vôtre. Contactez-nous pour plus d'informations.

Super U Melle

Avec le soutien de nos partenaires institutionnels

Conseil départemental des Deux-Sèvres Ville de Melle 79500
Accueil | Mentions légales | Politique de confidentialité | Contact
Voir tous nos sites et projets numériques