Poèmes & Poésie – AEPM, illustration florale

Tu m'as rendu la veuë, Amour, je le confesse de Étienne de La Boétie

Tu m'as rendu la veuë, Amour, je le confesse

Tu m'as rendu la veuë, Amour, je le confesse.
De grace que c'estoit à peine je sçavoy,
Et or toute la grace en un monceau je voy,
De toutes parts luisant en ma grande maistresse.

Or de voir et revoir ce thresor je ne cesse,
Comme un masson qui a quelque riche paroy
Creusé d'un pic heureux qui recele soubs soy
Des avares ayeux la secrette richesse.

Or j'ay de tout le bien la cognoissance entiere,
Honteux de voir si tard la plaisante lumiere :
Mais que gagne je, Amour, que ma veuë est plus claire,

Que tu m'ouvres les yeux, et m'affines les sens ?
Et plus je voy de bien, et plus de maulx je sens :
Car le feu qui me brusle est celuy qui m'esclaire.

Forme : Poème

En attente de lecture.

Cet espace peut être le vôtre. Contactez-nous pour plus d'informations.

Bailly garage

Avec le soutien de nos partenaires institutionnels

Conseil départemental des Deux-Sèvres Ville de Melle 79500
Accueil | Mentions légales | Politique de confidentialité | Contact
Voir tous nos sites et projets numériques